ബോംബ് ആക്രമണ കേസ്:  മലയാള നടി പ്രി​യ​ങ്ക​യെ ഉടൻ ചോ​ദ്യം ചെ​യ്യും; പി.ജ​ർ​മ്മ​യാ​സി​നെ ചോ​ദ്യം ചെ​യ്തു

ചാ​ത്ത​ന്നൂ​ർ: ബോംബ് ആക്രമണ കേസുമായി ബന്ധപ്പെട്ട് ഇഎം സിസി എ​ന്ന അ​മേ​രി​ക്ക​ൻ ക​മ്പ​നി​യു​ടെ ചെ​യ​ർ​മാ​ൻ ഷി​ജു വ​ർ​ഗീ​സി​നെ​ക്കു​റി​ച്ച​് അന്വേ​ഷി​ക്കു​ന്ന പോ​ലീ​സ് സം​ഘം കെപിസിസി ജ​ന​റ​ൽ സെ​ക്ര​ട്ട​റി പി.ജ​ർ​മ്മ​യാ​സി​നെ ചോ​ദ്യം ചെ​യ്തു.​ ന​ടി പ്രി​യ​ങ്ക​യെ ഉ​ട​ൻ ചോ​ദ്യം ചെ​യ്യും.

ആ​ഴ​ക്ക​ട​ൽ മ​ത്സ്യ​ബ​ന്ധ​ന ക​രാ​റി​ലൂ​ടെ വി​വാ​ദ​മാ​യ സ്ഥാ​പ​ന​മാ​ണ് ഇഎംസിസി. ​കു​ണ്ട​റ നി​യോ​ജ​ക മ​ണ്ഡ​ല​ത്തി​ൽ സ്ഥാ​നാ​ർ​ഥി​യാ​യി മ​ത്സ​രി​ച്ച ഇ​എം​സി​സി ചെ​യ​ർ​മാ​ൻ ഷി​ജു വ​ർ​ഗീ​സി​നെ പെ​ട്രോ​ൾ ബോം​ബാ​ക്ര​മ​ണ നാ​ട​ക​ത്തി​ൽ പോ​ലീ​സ് അ​റ​സ്റ്റ് ചെ​യ്തി​രു​ന്നു.

ഇ​തേ തു​ട​ർ​ന്നാ​ണ് ഷി​ജു വ​ർ​ഗീ​സി​നെ​ക്കു​റി​ച്ച് പ്ര​ത്യേ​ക അ​ന്വേ​ഷ​ണ സം​ഘം കൂ​ടു​ത​ൽ അ​ന്വേ​ഷ​ണം ന​ട​ത്തു​ന്ന​ത്. ഷി​ജു​വി​ന്‍റെ സാ​മ്പ​ത്തി​ക സ്രോ​ത​സ്, ബാ​ങ്കി​ട​പാ​ടു​ക​ൾ, ഫോ​ൺ, ക​ംപ്യൂ​ട്ട​ർ തു​ട​ങ്ങി​യ​വ​യി​ലെ സ​ന്ദേ​ശ​ങ്ങ​ളും അ​ന്വേ​ഷി​ച്ചു​വ​രി​ക​യാ​ണ്.

കെ ​പി സി ​സി ജ​ന​റ​ൽ സെ​ക്ര​ട്ട​റി പി.​ജ​ർ​മ്മി​യാ​സ്, ആ​ല​പ്പു​ഴ മു​ൻ ഡി ​സി സി ​ഭാ​ര​വാ​ഹി​യും പ്ര​വാ​സി കോ​ൺ​ഗ്ര​സ് ഭാ​ര​വാ​ഹി​യു​മാ​യ ഷി​ഹാ​ബു​ദീ​ൻ എ​ന്നി​വ​രെ​യാ​ണ് പ്ര​ത്യേ​ക അ​ന്വേ​ഷ​ണ സം​ഘ​ത്ത​ല​വ​ൻ ചാ​ത്ത​ന്നൂ​ർ എസിപി.​വൈ. നി​സാ​മു​ദീന്‍റെ നേ​തൃ​ത്വ​ത്തി​ൽ ചോ​ദ്യം ചെ​യ്ത​ത്.

കു​ണ്ട​റ നി​യോ​ജ​ക മ​ണ്ഡ​ല​ത്തി​ൽ ഡ​മോ​ക്രാ​റ്റി​ക് സോ​ഷ്യ​ൽ ജ​സ്റ്റി​സ് പാ​ർ​ട്ടി​യു​ടെ സ്ഥാ​നാ​ർ​ഥി​യാ​യാ​ണ് ഷി​ജു മ​ത്സ​രി​ച്ച​ത്. നാ​മ​നി​ർ​ദേശ പ​ത്രി​ക​യി​ൽ പി​ന്താ​ങ്ങാ​ൻ കൊ​ല്ലം പെ​രി​നാ​ട് സ്വ​ദേ​ശി​ക​ളെ ഏ​ർ​പ്പെ​ടു​ത്തി​യ​ത് ജ​ർ​മ്മി​യാ​സ് ആ​യി​രു​ന്നു. ​ഇ​തു​മാ​യി ബ​ന്ധ​പ്പെ​ട്ടാ​ണ് ജ​ർ​മ്മി​യാ​സി​നെ ചോ​ദ്യം ചെ​യ്ത​തും മൊ​ഴി രേ​ഖ​പ്പെ​ടു​ത്തി​യ​തും.

അ​രൂ​ർ നി​യോ​ജ​ക മ​ണ്ഡ​ല​ത്തി​ൽ ഡ​മോ​ക്രാ​റ്റി​ക് സോ​ഷ്യ​ൽ ജ​സ്റ്റി​സ് പാ​ർ​ട്ടി സ്ഥാ​നാ​ർ​ഥി​യാ​യി മ​ത്സ​രി​ച്ച ന​ടി പ്രി​യ​ങ്ക​യെ ഉ​ട​ൻ ചോ​ദ്യം ചെ​യ്യു​മെ​ന്ന് എസിപി ​വൈ. നി​സാ​മു​ദീ​ൻ അ​റി​യി​ച്ചു.​പാ​ർ​ട്ടി ചെ​യ​ർ​മാ​നും വ്യ​വ​സാ​യി​യു​മാ​യ മ​ല്ലേ​ലി​ൽ ശ്രീ​ധ​ര​ൻ നാ​യ​ർ ഉ​ൾ​പ്പെ​ടെ 25 ല​ധി​കം പേ​രെ പ്ര​ത്യേ​ക അ​ന്വേ​ഷ​ണ സം​ഘം ഇ​തി​ന​കം ചോ​ദ്യം ചെ​യ്തി​ട്ടു​ണ്ട്.

ദ​ല്ലാ​ൾ​ന​ന്ദ​കു​മാ​റി​നോ​ടും ചോ​ദ്യം ചെ​യ്യാ​ൻ ഹാ​ജ​രാ​ക​ണ​മെ​ന്ന് ആ​വ​ശ്യ​പ്പെ​ട്ടി​ട്ടു​ണ്ട്.ബോം​ബാ​ക്ര​മ​ണ കേ​സി​ൽ റി​മാ​ൻഡി​ൽ ജ​യി​ലി​ൽ ക​ഴി​യു​ക​യാ​യി​രു​ന്ന നാ​ലാം പ്ര​തി​ ഷി​ജു വ​ർ​ഗീ​സി​നും മൂ​ന്നാം പ്ര​തി​യും ഷി​ജു​വിന്‍റെ മാ​നേ​ജ​രു​മാ​യ ശ്രീ​കാ​ന്ത് എ​ന്നി​വ​ർ​ക്ക് ഹൈ​ക്കോ​ട​തി ജാ​മ്യം അ​നു​വ​ദി​ച്ച​താ​യി പോ​ലീ​സ് പ​റ​ഞ്ഞു.